السكوت أرقى معاني / الإجابه

أطرش .. كفيف .. أبكم .. شعوره يقديه ..!!
علمني أسلوب الحكي .. والخطابه



قبضة عصاته .. هم رعشة أياديه
منها .. تعلمت الشعر .. والكتابه


جالس بعيد هناك .. محد يسليه
غير الظلام .. ووحدته .. والكآبه


بيت عتيق .. وسدرة البيت .. ماضيه
جنب الجدار المهتري => عند بابه


الليل والصمت .. ورضاه ورجاويه
عصابة .. تحصد / غنايم عصابه


كن التعاسه غنوة ..!! من أغانيه
[ غريب .. مدري كيف قضى شبابه ..؟! ]


مدي وش اللي حققه من أمانيه ..!
أحس بأن .. أيام .. عمره تشابه


أشعث.. غبر .. أصفر .. تلعثم خطاويه
تحكي تجاعيده سنين / اغترابه


ما يشبهه .. غير الظما بالمهاميه
خانه مطر عمر الصبا .. والسحابه


فيه الألم .. وأقول : وش عاد ما فيه ..!!
ناحل .. مثل قوس النبل .. والربابه


أبطت عيوني تستمتع له .. تحاكيه
واقف يجر أخطاه (( ضعف .. وصلابه ))


تضحك دموعه بالعيون .. ويداريه
[ ما بين ذله مع شموخه .. مهابه ..!! ]


بعض الصبر .. لو ينشرا منه ..! لا أشريه
راضي .. بلاه ..! إن الزمن ما رضى به


بعده => دريت أن الزمن تيه × تيه

( وأن السكوت أرقى معاني / الإجابه )
تحياتي نجومه

مشكووووووووورة على موضوعك الرائع
يسامو ياقمر

شوقرررررررررررن آدمــــــــــــــن
على مرووووووووورك
نجووووووووومه

اشكررررررررررك يأحلى ليمونه
على مرووووووووووورك الرااااااااااااااااااائع
نججججججججججومه